АҞӘА, абҵара 24 - Sputnik. Урыстәыла аиҳабыра "Роснефть" иаднагалар ҟалоит Аахыҵ Уаԥстәылеи Аԥсни рахь баџьда абылтәы аиндикативтә балансқәа рҳәаа иҭагӡаны алагаларазы азин ҳәа аанацҳауеит агазеҭ РБК, Аекономикатә ҿиара аминистр ихаҭыԥуаҩ Дмитри Вольвач ишәҟәи адокументқәеи шьаҭас иганы.
Адокументқәа рҟны ишазгәаҭоу ала, иӡбатәу аусқәа иреиуоуп Аԥсни Аахыҵ Уаԥстәылеи рџьырмыкьақәа рҟны абылтәы ахәқәа лассы-лассы рҽеиҭакра аларҟәра алзыршо амеханизмқәа рышьақәыргылара, арҭ атәылақәа рыҩнуҵҟа ахәқәеи аҳәаа иаԥну Урыстәыла асубиектқәа рҿы аҩнуҵҟатәи ахәқәеи реизааигәатәра.
Иара убасгьы агазеҭ аиҳабыратә хыҵхырҭа иазхьаԥшны адырра ҟанаҵоит аҳаза-тарифтә ҭышәныртәалареи итарифтәым аҭышәныртәалареи рзы акомиссиа ари аԥшьгамҭа ишақәшаҳаҭу, адәныҟатә хәаахәҭра ахьчара алзыршо усны ишаԥхьаӡо.