АҞӘА, абҵара 25 - Sputnik. Раули Цоцориа ишьразы ашьаус амҩаԥгара арҿыцит Аԥсны Апрокуратура хада аусеилыргаратә усбарҭа, абри атәы аанацҳауеит аусбарҭа апресс-маҵзура.
Цоцориа дшьын ԥхынгәы 5, 2011 шықәсазы Гагра араион Бзыԥ аҳаблан. Аусеилыргара аҳәаақәа ирҭагӡаны 2011 шықәса раахыс изышьҭаз Рудольф Сақаниа дааныркылеит ҳазҭоу ашықәс абҵара 17 рзы.
Аҟәатәи ақалақьтә усбарҭа аӡбамҭала Сақаниа дҭакуп. Иахьатәи аамҭазы ашьаус азы заатәи аусеилыргарақәа мҩаԥысуеит.