АҞӘА, абҵара 26 - Sputnik. Урыстәылатәи аҳауаҽацәыхьчаратә мчрақәа уахыки-ҽнаки рыла икарыжьит 53 украинатәи аԥырҩы дызҭам аҳаирпланқәа ДЖәР, ЛЖә, Харковтәи, ХЕрсонтәи аобластқәа рҿы.
Иара убас аҳауаҽацәыхьчаратә мчрақәа икарыжьит украинатәи аҳаирпланқәа ҩба - Су-27, МиГ-29, иара убас аицҭырҟьаратә реактивтә система HIMARS аснариадқәа 17.
Урыстәыла аоператив-тактикатә авиациеи, аԥырҩы дызҭам аппаратқәеи, аракетатә архәҭақәеи артиллериеи ааха рырҭеит УАМ авиациатә былтәыҵәахырҭақәа Полтаватәи аҿы. Черкассктәи аобласт аҿы аӷа иавиациатә џьаԥҳанышьҭаҵарҭақәа, аруаа, арратә техника 128 раион рҿы ааха рыҭан.
Аусбарҭа иара убас адырра ҟанаҵоит Купиансктәи ахырхарҭаҿы уахыки-ҽнаки рыла "Мраҭашәаратәи" ар ргәыԥ уахыки-ҽнаки рыла ааха рырҭеит амеханизациа зызуу 14-тәи абригада, 101-тәи, 103-тәи, 105-тәи абригадақәа рыруааи ртехникеи. УАМ иацәыӡит 20-ҩык рҟынӡа аруаа, ҩ-пикапк, артиллетиатә система М777, ахаланыҟәа артиллериатә шьақәгыла "Гвоздика".
Краснолимантәи ахырхарҭаҿы уахыки-ҽнаки рыла Киев иацәыӡит 60-ҩык асолдаҭцәа, ҩ-автомобилк, Донецктәи ахырхарҭаҿы иаԥырҟәҟәаан ажәыларақәа хԥа, 5-тәи, 80-тәи ажәыларатә бригадақәеи 28-тәи, 30-тәи, 42-тәи, 93-тәи амеханизациа зызуу абригадақәеи рыруаа атехникеи ааха рыҭан. Уахыки-ҽнаки рыла иҭархан 200-ҩык рҟынӡа аруаа, атанк, автомобилқәа фба, ахаланыҟәа артиллериатә шьақәгыла "Krab", ҩ-гаубицак "Акациа", абџьархкы "Мста-Б", агаубица Д-20, ахаланыҟәа артиллериатә шьақәгыла "Гвоздика", агаубица Д-30, абџьархкы М119.
Алада-Донецктәи ахырхарҭаҿы архәҭақәа ргәыԥ "Восток" иаԥдырҟәҟәааит УАМ 72-тәи амеханизациа зызуу абригада ажәыларатә гәыԥ ажәылара, иҭадырхеит украинатәи аруаа 80-ҩык рҟынӡа, ҩ-автомобилк.
Запорожиетәи ахырхарҭаҿы уахыки-ҽнаки рыла иҭархоуп УАМ 35-ҩык асолдаҭцәа, атанк, ҩ-автомобилк, Херсонтәи ахырхарҭаҿы - 55-ҩык аӷа исолдаҭцәа, ԥшь-автомобилк, арадиолокациатә станциа, ахаланыҟәа артиллериатә шьақәгыла М109 "Paladin".