АҞӘА, абҵара 28 - Sputnik. Аԥсны АҩАР Урыстәыла иаԥну араионқәа рҿы ауаажәларратә еиҿкаареи ашәарҭадареи арӷәӷәоит абҵара 28-30 рзы ҳәа аанацҳауеит аусбарҭа апресс-маҵзура.
Ауснагӡатә амҩаԥгара адҳәалоуп афедералтә центр "Сириус" аҿы имҩаԥгахо аҵарауаа қәыԥшцәа III Рконгресс аартра.
Амҩа-транспорттә шәарҭадара аԥҵареи амҩатә ԥҟаррақәа реилагара азагәаҭареи реиҿкааразы абҵара 28 инаркны иаартхоит Амҩпа-ԥыԥшратә маҵзура аҭыԥ "Холодная речка".