АҞӘА, абҵара 28 - Sputnik. Донбасс иҭахаз ҩыџьа ҳтәылауаа, Шамил Дасаниеи Марзаҟан Ачбеи рыԥсыбаҩқәа Аԥсныҟа иаагоуп ҳәа аанацҳауеит АҶА апресс-маҵзура.
Аибашьцәа анышә иамардоит Гагра араион Цандрыԥшь ақыҭаҿи Гәдоуҭа араион Приморское ақыҭаҿи.
Уаанӡа, Ашәарҭадаратә хеилак амаӡаныҟәгаҩ Сергеи Шамба аҳәамҭа ҟаиҵахьан Аԥснынтә еснагь Донбасс еибашьуа ҳтәылауаа агуманитартә цхыраара шрырҭои хатәгәаԥхарала еибашьуаз аԥсуаа маҷымкәа ишҭахахьоуи рзы.