АҞӘА, ԥхынҷкәын 1 – Sputnik. Шықәсыбжак аҩнуҵҟа Украина арбџьармчқәа аконтржәылараан ирцәыӡит 125 000-ҩык инареиҳаны ауаа ҳәа иҳәеит атәылахьчара аминистр Сергеи Шоигу Арбџьармчқәа рнапхгареи иареи еицымҩаԥыргаз аселектортә еилацәажәараҟны.
"Украина арбџьармчқәа аконтржәылара иаалагазар ирцәыӡит 125 000-ҩык инареиҳаны ауаа, 16 нызқь ак аибашьыга бџьар. Урыстәыла ар ргәыԥқәа УАМ кыдырцалоит, шьҭахьҟа иԥхьарцоит, рымчқәагьы дырԥсыҽуеит", - ҳәа иҳәеит иара.
Урыстәылатәи аруаа ахырхарҭақәа зегьы рҿы рнапахьы иааргахьоу аҭыԥқәа дырҭбаауеит ҳәа иҳәеит Шоигу. Иара иажәақәа рыла, ар ироуз аԥышәа рхы иархәаны рылшарақәа еиздырҳауеит.