АҞӘА, ԥхынҷкәын 3 – Sputnik. Очамчыра ақалақь аҟны ҩымз рыҩнуҵҟа 350 инеиҳаны афымцамчҭаҩгақәа ықәыргылоуп, абри атәы арадио Sputnik аҟны дазааҭгылеит "Амшынеиқәафымцамч" Очамчыра араионтә ҟәша аиҳабы Беслан Шьынқәба.
Очамчыра ақалақь аҿы жьҭаарамза инаркны афымцамчҭаҩгақәа рышьақәыргылара иаҿуп.
"Иахьазы 350 афымцалашара аԥхьаӡагақәа шьақәыргылоуп. Аусурақәа ирыцҵоуп. Зынӡа иқәыргылахоит 800 цыра",- иҳәеит Шьынқәба.
Шьынқәба иажәақәа рыла, Очамчыра араион аҟны афымцахархәара ахә ахшәаара лаҟәуп. Аенергетикцәа гәыӷуеит афымцамчҭаҩгақәа рықәыргыларала ахәхшәааратә леишәа шьҭыххоит ҳәа.