АҞӘА, ԥхынҷкәын 3 – Sputnik. 2001 шықәсазы Аԥсны иалшеит Урыстәылаҟа атеррористцәа рынамышьҭра, уи азы аурыс жәлар есымшагьы иҭабуп ахырҳәаалоит, абас аҳәамҭа ҟалҵеит амедиагәыԥ "Россия сегодня", ателеканал RT аредактор хада Маргарита Симониан аԥсуа студентцәа данырԥылоз.
Симониан лажәақәа рыла, 2001 шықәсазы лара корреспондентк лаҳасабала Кәыдрытәи аҩхаа имҩаԥысуаз ахҭысқәа ирызкны анҵамҭақәа мҩаԥылгон.
"Шәыжәлар ирымоу агәаӷьра егьырҭ адунеи ажәларқәагьы ирызхоит", - лҳәеит Симониан.
2001 шықәса жьҭаара 4 инаркны 20-нӡа Аԥсны Арбџьармычқәа рыруааи арезервистцәеи Кәыдырҭа иҭалаз Руслан Гелаев напхгара ззиуаз аибашьцәа қәылаҩцәа рыҭцаразы аоперациа мҩаԥыргон.