Ԥхынҷкәын 4-10 Аԥсны имҩаԥысуа акультуратә хҭысқәа - Sputnik аматериал аҿы.
Sputnik
Ҳазҭалаз амчыбжь азы Аԥсны акультуратә хҭысқәа рацәам, аха ус шакәугьы аспектакльқәеи аконцертқәеи бзиа избо иахьнеиша рыԥшаауеит.
Фазиль Искандер ихьӡ зху Аурыс драматә театр аҿы ԥхынҷкәын 4 асааҭ 19:00 рзы имҩаԥгахоит амузыкатә џьаз ахәылԥаз, аспектакль "Асаркьалых гыгшәыгҭра" аԥхьарбара иазкны.
Арежиссиор Марк Вдовин испектакль аԥхьарбара мҩаԥгахоит ԥхынҷкәын 8, 9, 10 асааҭ 19:00 рзы. "Асаркьалых гыгшәыгҭра" - автобиографиатә пиесоуп, Теннесс Уилиамс ирҿиамҭоуп. Апиесаҿ еиҭаҳәоуп ҭаацәак рҭоурых.
Самсон Ҷанба ихьӡ зху Аԥсуа драматә театр аҿы ԥхынҷкәын 8 асааҭ 19:00 рзы иддырбоит Мадина Аргәынԥҳа лықәыргыламҭа аҭоурых драма “Сариа”. Аспектакль Нестор Лакоба иԥҳәыс Сариа Лакоба илызкуп. Автор – аҟабарда драматург Зарина Ҟаныҟәа.