АҞӘА, ԥхынҷкәын 4 - Sputnik. Маркәыла инхо Ахра Убилаа хыԥхьаӡара рацәала анаркотикқәа ахьааихәази иҵәахны иахьимази, иара убасгьы аџьаԥҳаны ахьааихәази иҵәахны иахьимази рзы дааныркылеит ҳәа аанацҳауеит АҩАР апресс-маҵзура.
Убилаа иҩны ирыԥшааит 34 патрон, зыхҭалашәара 7.62 мм, 5.45 мм, иҟаз, иара убасгьы 5,592 грамм амарихуана.
"Убилаа иҩны иԥшаан 101 грамм иҟаз аныцә "Южно-Краснодарская" ҳәа изышьҭоу. Иара рхы иадырхәоит анаркотикатә маҭәашьар "марихуана" аҟаҵаразы", - ҳәа аҳәоит адырраҭараҿы.
Убилаа ихаҭа данааныркылоз анаркотик идкыланы дыҟан.
Ашьаус хацыркуп. Убилаа аҩнытә баандаҩра даҵаркуп.