АҞӘА, ԥхынҷкәын 5 - Sputnik. Аԥсны аныҳәатә ԥсшьараамҭаз урыстәылатәи атуристцәа еиҳа иалыркаауа ахырхарҭақәа иреиуоуп ҳәа адырра ҟанаҵоит атуриндустриа Урыстәылатәи Аидгыла (РСТ) апресс-маҵзура.
Иахьатәи аамҭазы еицырдыруа асасааирҭақәа 60% еиҳаны иҭәуп, иҟоуп иалкаау рыцхәк азы асасааирҭақәеи асанаториақәеи рыҟны аҭыԥқәа зынӡагьы иахьыҟам.
"Аԥсны еиҳа ахархәара змоу асасааирҭақәа ашықәс ҿыц азы 60% еиҳаны иҭәуп, иҟоуп иалкаау рыцхәк азы аҭыԥқәа зынӡа иахьыҟамгьы. Атурфирмақәеи атурқәа рагрегаторцәеи рдыррақәа рыла ареспубликахь ашықәсҿыцазтәи атурқәа рацәамкәа ишарбоугьы иаар зҭаху еиҳа-еиҳа иеизҳауеит", - ҳәа рҳәоит РСТ аҿы.
Атурқәа рагрегатор "Слетать.ру" иазгәанаҭоит, Аԥсныҟа аара зҭаху рхыԥхьаӡара аизҳара, ииасыз ашықәс иаҿырԥшны аӡынтәи аамҭеи аныҳәамшқәеи рзы заанаҵ аҭыԥқәа раанкылара 11-нтә ишьҭыҵит ҳәа.
Атуроператорцәа рдыррала Аԥсныҟа атураамҭа хышықәса ҵуеит аҽамԥсахуеижьҭеит, бжьаратәла аамшы иҟоуп. Ииасыз ашықәс абри аамҭа иаҿырԥшны абжьаратә чек 5% заҵәык роуп иахьацлаз.