АҞӘА, ԥхынҷкәын 7 – Sputnik. Аԥсны ахәыҷы изинқәа рыхьчаразы Аппарат аилацәажәараҿы Урыстәылеи Аԥсни рҵара аминистррақәа рхаҭарнакцәа аԥшьгамҭақәа ҩба рыднагалеит, аҩтәылак рзакәанԥҵарақәа реишьаршәалара аҳәаақәа ирҭагӡаны. Абри атәы Sputnik иазеиҭалҳәеит Аппарат азиндырыҩ Екатерина Лиаховецкаиа.
Аппарат ажәалагала ҟанаҵеит урыстәылатәи рколлегацәеи дареи Аԥсны абикәынреи ахылаԥшреи рзы аусбарҭа аԥҵаразы азакәан апроект аус адулазарц. Уажәы аҭагылазаашьа ҳәаақәырҵоит аамҭалатәи аԥҟареи амаҵзуратә инструкциақәеи.
Лиаховецкаиа лажәақәа рыла, иазԥхьагәаҭоуп ари аус аганахьала аусутә гәыԥ аԥҵара.
Аԥшьгамҭа адгылара алҭеит ахәыҷқәа рзинқәа рыхьчара аусхк аҟны аҳәынҭқарратә политика Адепартамент адиректор Лариса Фальковскаиа.
Аганқәа алацәажәеит Москватәи аҳәынҭқарратә психологиа-рҵаҩратә университет аҿы абикәынратә усбарҭақәа рзы арҵаратә курсқәа реиҿкаара азҵаарагьы. Аԥшьгамҭа иааиуа ашықәс азы анагӡара азԥхьагәарҭеит.