МОСКВА, ԥхынҷкәын 9- РИА Новости. Урыстәыла Ашәарҭадаратә хеилак амаӡаныҟәгаҩ Николаи Патрушев амедиагәыԥ "Россия сегодня" аусзуҩцәеи, уи анапхгаҩы Дмитри Кисилиови амаҵзура жәашықәса ахыҵра рыдиныҳәалеит.
"Ҳтәылеи адунеи аҟны имҩаԥысуа ахҭысқәа рааԥшраҿы Урыстәыла аинтересқәа, жәларбжьаратәи ашәарҭадара шәазхәыцуеит", - иҳәеит Патрушев.
Урыстәыла Ашәарҭадаратә хеилак амаӡаныҟәгаҩ Николаи Патрушев амедиагәыԥ "Россия сегодня" аусзуҩцәа арҿиаратә гәазыҳәара, агәалаҟазаара бзиа рзеиӷьеишьеит.
Жәларбжьаратәи амедиагәыԥ "Россия сегодня" еиднакылоит урысшәала аус зуа аинформациатә ресурсқәа: РИА Новости, арадио Sputnik, ПРАЙМ, ИноСМИ, Baltnews, Украина.ру, Социальный навигатор, КОТ и Arctic.ru. Аҳәаанырцә амедиагәыԥ рдыруеит жәларбжьаратәи аинформациатә маҵзуреи арадиои Sputnik ала.
Ажәабжьқәа уахи-ҽни иҭыҵуеит англыз, араб, аиспан, акитаи, фарси абызшәақәа рыла. Жәларбжьаратәи амедиагәыԥ "Россия сегодня" адаҟьақәа рҟны аԥхьаҩ идгалоуп еиҳа аинтерес зҵоу ауаажәларратә гәаанагарақәа, аналитикцәеи аекспертцәеи рыҿцәажәарақәа.