АҞӘА, ԥхынҷкәын 11 - Sputnik. Иури Гагарин ихьӡ зху Гагратәи ашкол Урыстәыла аҵара аминистрра аицлабра "Аҳәаанырцә иреиӷьу аурыс школ" аԥхьахә аиуит ҳәа аанацҳауеит Аԥсны иҟоу Россотрудничество ахаҭарнакра.
"Ҳашкол афинал ахь инеит аколлектив еидгыланы имҩаԥнагоз аусура иалҵшәаны", - ҳәа лҳәеит ашкол адиректор Сариа Барцыцԥҳа.
Аицлабраҿы аиааира згази иалахәызи адныҳәалара рзынаишьҭит аҵара аминистр Сергеи Кравцов.
"Ҳаҭыр зқәу ҳколлегацәа, шәара иазшәырхиаз арбанызаалак апроект, иарбанызаалак аурок аартроуп. Ҳтәыла анҭыҵ шәара ахәыҷқәа аурыс бызшәа дырҵара шәаҿуп, агәыбылра дшәыркуеит, иадшәыԥхьалоит аурыс литература, аурыс культура", - ҳәа азгәеиҭеит иара.
На выставке "Россия", 8 декабря, прошло награждение победителей III Международного конкурса "Лучшая русская школа за рубежом"
© Foto / Русский дом в Абхазии
Аицлабра "Аҳәаанырцә иреиӷьу аурыс школ" мҩаԥысуеит аурыс бызшәа аҵара алазырҵәо арҵаҩратә коллективқәеи аиҿкаарақәеи адгылара рыҭаразы. Еиуеиԥшым аноминациақәа рлауреатцәа алахәхоит Пиатигорск, адыррақәа Рцентр "Машук" аҿы ԥхынҷкәын 10–13 рзы имҩаԥысуа акультура-рҵаратә форум.