АҞӘА, ԥхынҷкәын 12- Sputnik. Урыстәыла аамҭала ачарыц кьакьа алгара азин аанкылоуп лаҵара 31 2024 шықәсанӡа, абри атәы аанацҳауеит Аминистрцәа реилазаара апресс-маҵзура.
Аԥсны ари асиа иаҵанакӡом.
"Аӡбра азырхоуп афатәаалыҵтә шәарҭадара аиқәыршәара, ачарыц кьакьа аалыҵ ахәқәа рышьақәыртәара", - аҳәоит адырраҭараҿы.
Аамҭала ачарыц кьакьа аекспорт азин ааннкылара иаҵанакуам аиҳабырабжьаратә еиқәшаҳаҭрақәа рыла имҩаԥырго аашьҭрақәеи агуманитартә цхыраарақәеи, Аахыҵ Уаԥстәылагьы налаҵаны.
ЕАЕС атәылақәа - Ермантәыла, Белоруссиа, Киргизиа, Ҟазахстан рахь ачарыц аекспорт ҟалоит ишьақәыргылоу аквотақәа инарықәыршәаны, Ақыҭанхамҩа аминистрра азин ыҟаны.