АҞӘА, ԥхынҷкәын 16 - Sputnik. Азинхьчаратә усбарҭақәа русзуҩцәа дааныркылеит Очамчыра араион Кәтол ақыҭа анхаҩы Адгәыр Кьентаба. Абри атәы аанацҳауеит АҩАР апресс-маҵзура.
31 шықәса зхыҵуа Кьентаба зыԥсҟы икыз автомобиль "Тойота" аанкылан Аҳәынҭавтоинспекциа агәаҭарҭатә ҭыԥ "Маҷара" аҿы. Уи амашьына аварҳал аҵаҟа аԥхьатәи атәарҭа аԥхьа иҵәахын амарихуана згәылаз аилаҳәара.
Ашьаус хацыркуп. Ашьаусҭҵаара цоит.