АҞӘА, ԥхынҷкәын 17 - Sputnik. Аԥсуа спортсменцәа Урыстәыла иаарту ачемпионатқәеи жәларбжьаратәи атурнирқәеи БРИКС атәылақәа рыхәмаррақәа, Аиҩызаратә хәмаррақәа, Ҳаԥхьаҟатәи аиааирақәа (Игры стран БРИКС, Игры Будущего и Игры Дружбы-аред.) реиԥш иҟоу рахь ааԥхьара роуит. Абри атәы аанацҳауеит Аспорт азы Аҳәынҭеилакы.
Аԥсны Еизгоу акомандақәа рыхьӡала ааԥхьара ааишьҭит Урыстәыла спорт азы аминистр Олег Матицин.
"Зеиԥш ыҟам форматуп арҭ аицлабрақәа, Аԥснытәи акомандақәа аҽалархәразы ааԥхьара шәаҳҭоит", - иҳәеит Олег Матицин.
Урыстәыла спорт азы аминистр адгылара аиҭеит Аԥсны имҩаԥысраны иҟоу амарафон. Аҟәатәи амарафон мҩаԥгахоит 2024 шықәса жьҭаарамзазы.