АҞӘА, ԥхынҷкәын 19 - Sputnik. Иааиԥмырҟьаӡакәа зҽеиҭазкуа ашәарҭарақәа раан астратегиатә баланс алзыршо аиадертә триада ароль иубартә иазҳаит иҳәеит Атәылахьчара аминистрра аколлегиа аилатәара иалахәыз Урыстәыла Арбџьармчқәа рыдҵаҟаҵаҩ хада Владимир Путин.
"Сынтәа, абџьарла аибыҭаразы аҳәынҭпрограмма анагӡареи атәылахьчаратә наплакқәа русура бзиеи иалдыршеит ҳаамҭазтәи абџьари атехникеи рыҩаӡара 95 процент рынагӡара, амшынтә компонентқәа – 100 процентк", - иҳәеит иара.
Ахада иҳәеит ашықәс нҵәаанӡа ахархәарахь ирыҭахоит аракетатә комплексқәа "Ярси" "Авангарди" рҭырҟьаратә шьақәгылақәа 15, ааигәа ирыдыркылеит атомтә ӡаҵатә ӷбақәа ԥшьба, аракетаныҟәгагақәа Ту-160М ԥшьба. Аиадертә триада арбагақәа хырхарҭаны иҟалароуп абџьари атехникеи аус рыдуларазы ҳәа иҳәеит Путин. Уи азы 2024 шықәсазтәи аахәарақәеи атехника аремонти рхышәаҵышәа иацҵахоит.
"Иара убасгьы ари афлоти рзы аԥеиԥштә бџьар аҭыжьра аус адааулоит, иҭҳажьуеит. Зыӡбахә сымоу ароботтә комплексқәеи алазерқәеи роуп, иԥсабаратәым аинтеллект атехнологиақәа ахрархәароуп", - ҳәа иҳәеит иара.
Атәыла ахада иҳәеит Урыстәыла аибашьра адәаҿы ашьа казҭәо рҭахрақәа ишрықәҿырҭуа.