АҞӘА, ԥхынҷкәын 19 - Sputnik. Украинатәи арратә операциа аԥышәа иаанарԥшит урыстәылатәи аруаа оперативла аӷа иумҭақәа рҭак ҟарҵар шрылшо ҳәа иҳәеит Урыстәыла атәылахьчара аминистр Сергеи Шоигу, аусбарҭа аколлегиа аилатәараҟны.
"Аибашьратә ԥышәа роуит 650 нызқьҩык аруаа. Иахьазы урыстәылатәи ар адунеи аҟны реиҳа аибашьралшара амоуп. Иамоуп иреиӷьу абџьар – аибашьра адәаҿы иԥышәоу", - ҳәа иҳәеит иара.
Аминистр иҳәеит аиадертә триада акәзар, ишалнаршо астратегиатә ԥынкылара, аиадертә мчрақәа 95% разыхиара шьаҭас иамоуп иреиӷьу абџьар. Арратә операциа ҷыда ари ажәлари еиднакылеит ҳәа азгәеиҭоит Шоигу.
"Есыҽны зықьҩыки бжаки инареиҳаны аррамаҵзурахьы ирыдыркыларц арзаҳалқәа рыҩуеит. Сынтәа мацара иҳадаҳкылахьеит 490 000-ҩык", - ҳәа иҳәеит иара.
Аминистр иҳәеит 4 000-ҩык инареиҳаны астудентцәа академиатә отпускқәа шыргаз арратә операциа ҷыда адәаҿы еибашьуа ирывагыларц. Уи адагьы бжьынтә еизҳаит Урыстәыла иадгыланы хатәгәаԥхарала аибашьра зҭаху аҳәаанырцәуаа. Убри аан Украина еибашьуа аҳәаанырцәуаа рхыԥхьаӡара фынтә еиҵахеит.