АҞӘА, ԥхынҷкәын 20 - Sputnik. Аԥсны ахада иусԥҟала Аҳәынҭқарратә шәарҭадаратә маҵзура аиҳабы ихаҭыԥуаҩс дҟаҵоуп Дмитри Қәычбериа.
Цәыббра 1 азы Аԥсны АШәМ еиҳабыс дҟаҵан аполковник Ҭемыр Ахьиба.
Ԥхынҷкәынмза 20 рзы АШәМ аусзуҩцәеи аветеранцәеи иазгәарҭоит рзанааҭтә ныҳәамш.
Аԥсны ахада Аслан Бжьаниа дара ирыдныҳәало иазгәеиҭеит, аҳәыҭқарратә шәарҭадаратә усбарҭақәа рыҟны аусура ашәарҭара шацу, ишаҭаху агәымшәареи агәаӷьреи иара убас, еснагь азанааҭҩаӡара шеизырҳалатәу.
Аслан Бжьаниа иҳәеит Аҳәынҭқарратә шәарҭадаратә маҵзура аҿаԥхьа иқәгылоу адҵақәа зегь шынанагӡо.