АҞӘА, ԥхынҷкәын 21 - Sputnik. Сынтәатәи ашықәс иаусхаданы иҟаз мраҭашәаратәи атәылақәа иазыҟарҵаз, бџьарла еибырҭаз абригадақәа рыла ишьақәгылаз УАМ агәыԥқәа рконтржәылара аанкылара акәын ҳәа иҳәеит УА АМ Аштаб хада аиҳабы Валери Герасимов.
"Сынтәатәи ашықәс иаусхаданы иҟаз мраҭашәаратәи атәылақәа иазыҟарҵаз, бџьарла еибырҭаз абригадақәа рыла ишьақәгылаз УАМ агәыԥқәа рконтржәылара аанкылара акәын", - ҳәа иҳәеит Герасимов аҳәаанырцәтәи арратә атташецәа рзы имҩаԥгаз абрифинг аҟны.
Иара иажәақәа рыла, Украина иагәҭакын аконтржәылара ианалага аԥхьатәи амш инаркны 15 мшы рыҩнуҵҟа Мелитополь амацәаз аҭакра, анаҩс Азовтәи амшын аҟәареи, Мариуполь ақалақьи рыла Ҟрым аҳәаахь рнеира. Уи азы "рашәарамза алагамҭаз аӷа запарожиатәи ахырхарҭаҿы 50 баталион иҟаз ар еидикылеит, 230 танк, 1 000 инареиҳаны акәылӡмашьынақәа, арҭ аибашьыгатә техника аиҳарак иҿыцу аҳәаанырцә иҭрыжьыз ауп ҳәа азгәеиҭоит Герасимов.
Иҳәеит аамҭақәак рышьҭахь агәыԥ 80 баталион шеиднакылоз.
"Украинатәи адҵаҟаҵаҩцәа руснагӡақәа реиԥырҟьаразы ҳаруаа инарҭбаау аус мҩаԥыргеит рпозициақәа рырӷәӷәаразы", - ҳәа иҳәеит иара.
Герасимов иҳәеит УАМ аконтржәылара ишалагаз рашәара 4 рзы, ацәыӡ дуқәа рыманы запарожиатәи ахырхарҭаҿы маҷк ишеиҭаҵыз. Иара иажәақәа рыла киевтәи арежим мраҭашәаратәи абџьар ала реиқәыршәареи астратегиатә резервқәа аибашьра ралагалареи аибашьра адәаҿы аҭагылазаашьа шырымԥсахыз. Аҭагылазаашьа еиҳагьы УАМ ацәыӡқәа рнаҭеит ҳәа иҳәеит Аштаб хада анапхгаҩы.
"Абас ала Украинеи НАТО атәылақәеи идырҳауҳауыз аконтржәылара лҵшәадахеит", - ҳәа иҳәеит иара.