АҞӘА, ԥхынҷкәын 22 - Sputnik. Аԥсны Аҭагылазаашьа Ҷыдақәа рминистрра аусзуҩцәа агуманитартә еидара наргеит Урыстәыла арегион ҿыцқәа рахь, абри атәы аанацҳауеит аусбарҭа апресс-маҵзура.
Аԥснынтәи инагоуп 50 тонна ацитрус шәырқәеи аԥаҭлыка иҭоу аӡи. Урҭ рахьтә жәа-тоннак нагоуп аинтернационалтә бригада "Пятнашка" ахьгылоу аҭыԥ ахь.
Урыстәыла арегион ҿыцқәа рахь Аԥснынтәи Донбассҟа агуманитартә еидара рыманы идәықәлеит ԥхынҷкәын 20 рзы. Ауснагӡатә напхгара аиҭоит атәыла ахада ихаҭарнак ҷыда Лев Кәыҵниа. Ауснагӡатә аҳәаақәа ирҭагӡаны иазгәаҭоуп асубиектқәа рхадацәа рԥылара, Аԥсни дареи реинырра азҵаарақәа рылацәажәара.