Ашықәс ҿыц аламҭалаз АҶА аусзуҩцәа апиротехника ахьырҭиуа адәқьанқәа ргәаҭарақәа мҩаԥыргоит. Агәаҭарақәа ирыхрыжьуеит адәқьанқәа реиԥш аџьармыкьаҿи аԥсаӡ хада ахьгылоу иҟоу адәны ихәаахәҭуагьы. Арҭҟәацгақәа ирыцу амашәыри, рыҵәахышьа аԥҟарақәеи, аџьармыкьаҿы изҭиуа ргәаҭарақәа шымҩаԥысуеи ртәы далацәажәоит АҶА абылраҽацәыхьчара-хылаԥшратә усбарҭа аиҳабы ихаҭыԥуаҩ Аркади Аршба.