АҞӘА, ԥхынҷкәын 22 - Sputnik. Аԥсны ахада Аслан Бжьаниа аҭҵаарадырреи, акультуреи, аенергетикеи русзуҩцәа аҳаҭыртә хьыӡқәа рхиҵеит. Абри атәы аанацҳауеит ахада ипресс-маҵзура.
"Аԥсны Зҽаԥсазтәыз аенергетика аусзуҩцәа" ҳәа ахьӡ рыхҵоуп Нино Абыхәба, Нугзар Ҳашба, Мита Џьопуа.
Аҭоурыхҭҵааҩы, Урыстәыла аҭоурых акафедра апрофессор, Нхыҵ-Кавказтәи афедералтә университет Агуманитартә институт аиҳабы Марина Колесникова аҭҵаарадырраҿы аԥсуа-аурыс еизыҟазаашьақәа рырҿиарҿы ллагалеи, аҵарауаа разыҟаҵараҿы лџьабааи рзы "Аԥсны аҭҵарадырра зҽаԥсазтәыз аусзуҩ" ҳәа ахьӡ лыхҵоуп.
Шықәсырацәалатәи лҵшәабзиалатәи иусуразы "Аԥсны акультура аусзуҩ" ҳәа ахьӡ ихҵоуп Геннади Ԥачалиа.