АҞӘА, ԥхынҷкәын 22 - Sputnik, Асмаҭ Ҵәыџьԥҳа. Аԥсны Жәлар Реизара адепутатцәа реилатәараҟны аҵыхәтәантәи аԥхьарала ирыдыркылеит азакәан "Аҳәынҭқарратә баџь азы" аԥсахрақәа.
Азакәан иазыԥхьагәанаҭоит Аԥсны аҵакыраҿы ашәҟәы иҭаргало аҳәаанырцәтәылауааи атәылауаҩра змам ахаҿқәеи ирымырхуа аҳәынҭбпџь ахышәаҵышәа аиҭакра.
Ажьырныҳәа 1, 2024 шықәса инаркны амчра аиуеит Аԥсны Аминистрцәа реилазаара ақәҵара № 106 "Аԥсны Аҳәынҭқарра аҵакыраҿы аамҭала иҟоу аҳәаанырцәтәылауааи атәылауаҩра змам ахаҿқәеи ашәҟәы рҭагалара амҩаԥгара аԥҟара ашьақәырӷәӷәаразы" ашәҟәы аҭагаларазы азакәан ишьақәнаргылаз ахышәаҵышәала ирымххоит аҳәынҭбаџь.
Адепутатцәа ажәадгала ҟарҵеит Аԥсны Аҳәынҭқарра аҵакыраҿы аамҭала иҟоу аҳәаанырцәтәылауааи атәылауаҩра змам ахаҿқәеи ашәҟәы рҭагаларазы ишьақәыргылазарц иршәо абаџь 200 мааҭ ҳәа.