АҞӘА, ԥхынҷкәын 26 - Sputnik. Аԥсны атәылауаҩ аҳәааҿы дааныркылеит хыԥхьаӡара рацәала аԥсихотроптә маҭәашьарқәа ареспубликахь иалеигаларц иҽаназишәоз ҳәа аанацҳауеит Аҳазалхратә еилакы апресс-маҵзура.
Аҳәааҿ агәаҭара ахысраан иара идырбалеит 497 капсулеи 209 таблетка прегабалин ҳәа изышьҭоу амаҭәашьари.
Иаанкылоу амедицинатә гәаҭара ахысра мап ацәикит. Аҟәатәи ақалақьтә ӡбарҭа аӡбрала 15 уахы-ҽны дҭакхоит.
Идбалоу аԥсихотроптә маҭәашьарқәа имхуп.