АҞӘА, ажьырныҳәа 1 - Sputnik. Аԥсны ажьырныҳәамза раԥхьатәи азбжаз амш зеиԥшрахо атәы арадио Sputnik иазеиҭалҳәеит Аекологиазы Аԥсны Аҳәынҭқарратә еилакы аҳауагәаҭаҩ Диана Ҭраԥшьԥҳа.
"Ажьырныҳәамза 1 инаркны 15-нӡа Аԥсны агаҿа иахьаҵанакуа лассы- лаасы аҳаиртә қәаӷәӷәара алаҟәреи ахьшәашәареи ирыхҟьаны аҳауа аҽеиҭанаклоит, ишәшьуеит. Ажьырныҳәа 10-нӡа амшқәа ашәшьы рхылоит ақәа леиуеит", - ҳәа лҳәеит лара.
Ашьха иахьаԥну аҭыԥқәа рыҟны ақәоурақәа азгәаҭоуп, ҭыԥқәак рыҟны ақәабасабаа леиуеит, адыдмацәыс ҟалар алшоит. Ашьхарԥи ашьхареи асоура азгәаҭоуп.
Ҭраԥшьԥҳа лажәақәа рыла, аҳауа аԥхарра уахынла +2°C до +7°C градус иҟоуп. Иҟалалоит ақәабасабаа анлеиуагь, усҟан ашьхеи ашьха иахьаԥнуи рыҟны аҳауа аԥхарра -4°C рҟынӡа илаҟәуеит.
Ҽынла аҳауа аԥхарра +7°C инаркны +12°C градус рҟынӡа, зны-зынлагь +14°C градус рҟынӡа иԥхаррахоит. Амшын ацәқәырԥара 2-5 баллк рҟынӡа инаӡоит, амшын аӡы аҟәандара +11°C.
Ажьырныҳәамза раԥхьатәи азбжаз аҵаақәа азгәаҭаӡам, агаҿахь аԥхаррақәа шыҟац иаанхоит ҳәа азгәалҭеит аҳауагәаҭаҩ.
Аԥша аҽаԥсахлоит, секундк ала аԥшаласра 12-17 метра инаӡоит.