2023 шықәсазы ирацәаны аусмҩаԥгатәқәа еиҿкаан ҳәа азгәеиҭеит аицәажәараҿы Манаргиа. Раԥхьа инаргыланы ашьапылампылтә турнирқәа рхыԥхьаӡара ирыцлеит иҳәеит иара.
"Аибашьра анеилгаз инаркны иҳаман лигак, сынтәа Иреиҳаӡоу алигаҿы аа-командак хәмаруан, ичемпионхеит "Гагра", гаграа 10 шықәса инареиҳаны иазыԥшын ари ахҭыс, Аҟәатәи "Динамо" - Аԥсны ахраҿа иаԥсахеит. Иреиҳаӡоу алига ҳамоуп, уи анаҩс иаԥҵоуп амилаҭтә шьапылампылтә лига ҳәа. Араҟа 13 команда хәмаруеит. Иазгәаҭан, Иреиҳаӡоу алигаҿы аҵыхәтәантәи аҭыԥ аанызкылази амилаҭтә шьапылампылтә лигаҿы актәи аҭыԥ аанызкылази реиндаҭлара. Убас иҟалеит сынтәа, аринахысгьы ус. Хықәкыс иамоу – аиааира згаз, уи амилаҭтә шьапылампылтә лига аҟынтә акәзар, егьи акоманда аҭыԥан Иреиҳаӡоу алига иалалоит. Ус кәтолтәи "Бзана" хәмарлоит Иреиҳаӡоу алигаҿы", - ҳәа еиҭеиҳәеит Манаргиа.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.