АҞӘА, ажьырныҳәа 3 - Sputnik. Урыстәыла Аҳаиртә хыхьчаратә мчқәа Белгородтәи аобласт аҟны ашьыжь ахаша, ажьырныҳәа 3 рзы иаԥдырҟәҟәааит аракетатә жәылара ҳәа аанацҳауеит Урыстәыла Атәылахьчара аминистрра.
"Иахьа ашьыжь киевтәи арежим ҩаԥхьа аҽазнашәеит Урыстәылатәи Афедерациа аҵакырақәа рыҟны аракета ареактивтә шьақәгылақәа аицҭырҟьаратә хымца "Ольха", ТРК "Точка-У" рхархәарала атеррористтә жәылара амҩаԥгара", - ҳәа ахәоит аусбарҭа аҳәамҭаҿы.
Урыстәыла Аҳаиртә хыхьчаратә мчқәа аҷаԥшьаратә хархәагақәа ажәҩан аҟны иҭадырхеит ф-ракетак "Точка-У", ф-ракетак "Ольха".
Уаанӡа украинатәи арбџьармчқәа Белград ақалақьи аоблости иаларыжьырц идәықәырҵахьан 24 ракета "Ольха", "Точки-У" - ҩба, дара зегьы ҭархан. Ажәылара иахҟьаны аӡәы дҭахеит, 11-ҩык ахәрақәа роуит.