АҞӘА, ажьырныҳәа 4 - Sputnik. Аиҿцәажәарақәа ирлыҵшәаны иалыршахеит урыстәылатәи аруаа 248-ҩык украина итҟәаны ирымаз рырхынҳәра. Абри атәы аанацҳауеит Урыстәыла Атәылахьчара аминистрра.
"Иуадаҩыз аиҿцәажәарақәа ирылҵшәаны киевтәи арежим иахьаҵанакуа адгьылҵакыраҟынтәи ирхынҳәуп 248-ҩык урыстәылатәи аррамҵзурауаа. Итҟәаз урыстәылатәи аруаа рырхынҳәра алыршахеит агуманитартә ҟазшьа змаз Еиду Арабтәи Емиратқәа рыбжьацәажәара иабзоураны", - ҳәа аҳәоит аҭыжьымҭаҿы.
Иазгәаҭоуп, зхы иақәиҭтәхаз атҟәацәа амедицинатәи апсихологиатәи цхыраара шрыҭахо. Анаҩс, дара Урыстәыла Атәылахьчара аминистрра иатәу амедусбарҭақәа рахь ишдәықәҵахо ргәабзиара ашьақәыргылараз.