АҞӘА, ажьырныҳәа 5 - Sputnik. Аҟәа инхо Леонид Адлеиба Аԥсны АҩАР аусзуҩцәа дааныркылеит анаркотикқәа иҭиуан ҳәа гәҩарас дҟаҵаны. Абри атәы аанацҳауеит аусбарҭа апресс-маҵзура.
47 шықәса зхыҵуа Адлеиба даанкылан Аҟәа Афырхацәа-аҳәаахьчаҩцәа рымҩаҿы. Иара иџьыба иҭан ԥшь-еилаҳәарак, урҭ аметадон ргәылоуп иҳәеит иаанкылаз ихаҭа.
Гәҩарас ирымоу иажәақәа рыла, анаркотик зҭаз ашәыра имаӡоу аҭыԥ аҟынтәи иганы, "Донни" ҳәа хьыӡшьарас измоу идырым аӡәы Telegram аҿы ишиеиҳәоз ала дныҟәон, уаанӡа иара уи ихазы анаркотикгьы имихуан.