АҞӘА, ажьырныҳәа 5 - Sputnik. Ԥхынҷкәынмзазы иӡыз Софиа Олеиник лыԥшааразы амилициа аусура арӷәӷәеит, абри атәы аанацҳауеит Аԥсны АҩАР апресс-маҵзура.
АҩАР Очамчыратәи аҟәшаҿы аминистр ихаҭыԥуаҩ Беслан Ҷкадуа ихантәаҩрала Тҟәарчалтәи, Очамчыратәи, Галтәи ақыҭақәа рхадацәа алархәны аизара мҩаԥган.
АҩАР Очамчыратәи аҟәша азинмч нагӡа змоу ацуҭатәи амилициа ргәыԥ ахада Рамин Кациа иажәақәа рыла, ажьырныҳәа 1 азы аӡӷаб дырбеит Акәасқьа ақыҭан адәқьан аҟны.
Очамчыра араион ақыҭақәа рҟны амилициа аусзуҩцәа аԥшаарақәа ирҿуп, уахь аԥшааратә гәыԥқәа дәықәҵоуп.