АҞӘА, ажьырныҳәа 7 - Sputnik. Урыстәыла Аҳаиртә хыхьчаратә мчқәа рхархәагақәа уахыки-ҽнаки рыла украинатәи арратә ҳаирплан Су-25 Днепропетровск икарыжьит, Су-27 Кривои Рог икарыжьит. Абри атәы аанацҳауеит Урыстәыла атәылахьчара аминистрра.
Иара убас, иаԥырҟәҟәаан аицҭырҟьаратә хгәыцәқәа HIMARS-и "Урагани " - 14, аракета "Нептун" - 6, иҭархоуп 38 дрон.
Купиансктәи ахырхарҭаҿы уахыки-ҽнаки рыла аӷа ижәыларақәа ԥшьба аԥырҟәҟәаауп, ааха рыҭоуп 203-тәии 105-тәи аҵакырахыхьчаратә бригадақәа. Киев иаиуит ацәыӡқәа: 50-ҩык инареиҳаны аруаа, аршьаҟауаа реибашьыгатә машьынақәа ҩба, автомашьынақәа хԥа.
Краснолимантәи ахырхарҭаҿы УАМ иацәыӡит 55-ҩык рҟынӡа ауаа, пшь-машьынак, Донецктәи ахырхарҭаҿы 300-ҩык иреиҳауп иҭахази ихәуи аруаа, иҭархоуп аибашьыгатә акәылӡмашьынақәа ԥшьба, автомашьынақәа 20, ахаланыҟәаратә артиллериатә шьақәгылақәа "Caezar", агаубица М119, Украинатәи арбџьармчқәа рџьаԥҳанышьҭаҵарҭа.
Алада-Донецктәи ахырхарҭаҿы уахыки-ҽнаки рыла иҭархоуп 130-ҩык асолдаҭцәа, танкк, аибашьыгатә акәылӡмашьынақәа ҩба, ҩ-автомашьынак, артиллериатә ахаланыҟәаратә шьақәгыла "Krab", ҩ-гаубицак FH-70, ҩ-бзарбзанк Д-30, атанкҭырхага абзырбзан "Рапира", иара убас аџьаԥҳанышьҭаҵарҭа.
Запорожиатәи ахырхарҭаҿы урыстәылатәи аруаа иҭадырхеит 40-ҩык аӷа исолдаҭцәа, аибашьыгатә акәылӡмашьынақәа ҩба, автомашьынақәа ԥшьба. Херсонтәи ахырхарҭаҿы – 35-ҩык инареиҳаны асолдаҭцәа, арадиоелектронтә станциа.