Аԥсны

Атуризм аминистрраҿы еиҭарҳәеит аныҳәамшқәа рзы Риҵеи Афонҿыцтәи аҳаԥи шаҟаҩы аҭааз

Sputnik
АҞӘА, ажьырныҳәа 12 - Sputnik. Ашықәсҿыцазтәи аныҳәамшқәа раан ажьырныҳәа 1 инаркны 10 рҟынӡа Риҵатәи амилаҭтә парк иаҭааит 10 127-ҩык, абри атәы Sputnik иазеиҭарҳәеит Аԥсны атуризм аминистрраҟны.
Абилеҭқәа рыҭира аҟынтәи ахашәала иартәеит 6,5 млн мааҭ. Иазгәаҭоу аамҭахҵәазы ҵыԥх апарк иаҭааит 10 077-ҩык.
2024 шықәсазы жәамш рыҩнуҵҟа Афонҿыцтәи аҳаԥы иаҭааит 7 324-ҩык. Ахашәала 5,12 млн мааҭ артәеит.
Ҵыԥхтәи аамҭа иаҿырԥшны сынтәа аҳаԥы иаҭааз рхыԥхьаӡара еизҳаит. 2023 шәықәсазы аҳаԥы иҭалеит 6 395-ҩык, ирҳан- 4,5 млн мааҭ.
Аԥсны
Миллионҩык инареиҳаны атуристцәа рыԥсы ршьеит Аԥсны 2023 шықәсазы