АҞӘА, ажьырныҳәа 12 - Sputnik. Урыстәыла Арра-Мшынтә Флот аӷбақәа еснагьтәи ргыларҭа Очамчыра араион аҿы аартра Аԥсны ашәарҭадара зыхьчо акакәны иҟалоит, абри атәы иҳәеит арра аусдырҩы Константин Сивков.
"Аԥсны ашәарҭадара зыхьчо акакәны иҟалоит, Аԥсни Урыстәылеи иҵегь реизааигәахараҿы хра змоу хҭысуп. Урыстәылатәи аӷбақәа еснагьтәи ргыларҭа а ацкыра аҽеиҵнахуеит ауп иаанаго", - иҳәеит иара.
Аԥсны ахада Аслан Бжьаниа жьҭаарамзазы аҳәамҭа ҟаиҵеит, уи азы аиқәшаҳаҭра анапы шаҵаҩу.
РИА Новости Аԥсны Ашәарҭадаратә хеилак амаӡаныҟәгаҩ Сергеи Шамба иазеиҭеиҳәеит, Урыстәыла Арра-Мшынтә Флот аӷбақәа еснагьтәи Аԥсны ргыларҭа 2024 шықәсазы аусура иалагар ҟалоит ҳәа.
Аԥсни Урыстәылеи ашәарҭадара аусхк азы ирыбжьоу аиқәшаҳаҭра инақәыршәаны русеицура еиҳа-еиҳа идырҭбаауеит, иҳәеит Ашәарҭадаратә хеилак амаӡаныҟәгаҩ.