Аԥсны

Риҵатәи амилаҭтә парк: амашьынақәа аӡиахь рнеиразы уадаҩра ыҟаӡам

Ашьха ӡиа Риҵа аҟны 15 см асы шьҭоуп.
Sputnik
АҞӘА, ажьырныҳәа 12 - Sputnik. Амашьынақәа аӡиа Риҵа ахь рнеиразы уадаҩра ыҟаӡам, абри атәы Sputnik иазеиҭеиҳәеит Риҵатәи Амилаҭтә ҳәырԥсарра абнахылаԥшҩы хада Ҭенгьиз Џьергьениа.

Асоура иалагеит асааҭ 05:00 шыҟаз. Аҳауагәаҭаҩцәа рдыррақәа рыла, асы даҽа ҩымш илеилоит. Иахьазы Риҵа 15 см асы шьҭоуп, 30 см рҟынӡа инаӡаргьы алшоит. Иҵааргьы ҟалоит, аха ҳзыцәшәаша ҳәа акгьы ыҟам. Амашьынақәа уадаҩрада ихалоит"- иҳәеит иара.

Џьергьениа иажәақәа рыла, ахәаша ашьыжь инаркны аӡиа ашҟа атуристцәа рыманы амашьынақәеи, автобусқәеи халоит. Аушьҭырҭатә ҭыԥ аҟны амашьынарныҟәцаҩцәа амш зеиԥшроу рарҳәоит, иара убас аӡынтәи агьежьхарԥа зҵам амашьынақәа аурышьҭӡом.
Џьергьениа иҳәеит амҩақәа иааԥмырҟьаӡакәа ррыцқьара ишаҿу, аԥслымӡгьы рхианы ишрымоу.