АҞӘА, ажьырныҳәа 16 – Sputnik. Аԥсны аҭагылазаашьа ҷыдақәа рминистрра аделегациа Белоруссиаҟа амҩа иқәлеит амцарцәаҩцәа-аиқәырхаҩцәа рзы аицлабрақәа рыҽрыладырхәырц ҳәа аанацҳауеит аусбарҭа апресс-маҵзура.
Аделегациа напхгара аиҭоит аминистр ихаҭыԥуаҩ, аинрал-маиор Тигран Делибалтиан.
Белоруссиа Аиқәырхаҩ имш азы есышықәса имҩаԥырго атурнир мҩаԥысуеит ажьырныҳәа 17-20 рзы Бобруиск ақалақь аҿы. Аицлабрақәа ирылахәхоит 14 команда – Аԥсны, Белоруссиа, Урыстәыла, Аахыҵ Уаԥстәыла рҟынтәи. Аицлабрақәа мҩаԥгахоит анапылампыл, ашьапылампыл маҷ, амцарцәаратә спорт рганахьала.