АҞӘА, ажьырныҳәа 19 – Sputnik. 2024 шықәса акурорттә сезон алагамҭазы уаанӡатәи асанаториақәа МВО, ПВО ахархәарахь ирыҭахоит, абри атәы арадио Sputnik иазеиҭеиҳәеит ареспублика атуризм аминистр ихаҭыԥуаҩ Асҭамыр Барцыц.
Барцыц иажәақәа рыла, асасааирҭақәа ирылшоит 1200-ҩык рҟынӡа аԥсшьаҩцәа рыдыркылар.
Аԥсны ахада Аслан Бжьаниа имҩаԥигоз агәаҭарақәа раан иизеиҭарҳәеит ф-еихагылакны иҟоу ахыбреи ҩбаны еихагылоу аҽа хыбрақәаки рыргыларақәа ишаҿу.
Асанаториақәа рымшынԥшаҳәеи Амҳаџьырқәа рыԥшаҳәеи еимадоуп Баслаҭа ихырҵаз ацҳа ала.
Москватәи арратә округ асанаториа – МВО, 20 гектар адгьыл аҵакуп, иаднакылон 1800-ҩык рҟынӡа аԥсшьаҩцәа.
Асанаториа ПВО шьақәгылоуп 14-еихагыла иҟоу акорпуси ҩбани, хԥани еихагылоу акорпусқәеи рыла.