Ҳазҭалаз ашықәс алагамҭазы Аԥсуа ҳәынҭқарратә аҿар ртеатр ахәаԥшцәа ирыдыргалоит Александр Вампилов ипиеса иалху аспектакль ҿыц "Аԥеиҳаб". Аҽазыҟаҵарақәеи арольқәа шеихшази ртәы арадио Sputnik аефир аҿы иалацәажәеит атеатр актиорцәа Ахра Кәарҷиеи Есма Шугенԥҳаи.
Актиорцәа иазгәарҭеит ауаҩы дзырлахҿыхо, дзырччо акомедиа ахәмарра шымариам.
"Акомедиа ахәмарра даараӡа иуадаҩуп, ахәаԥшцәа ус ргәы иаанагоит ауаа шәырччоит уи имариоуп ҳәа, мап, асценахь уанцәырҵлак ауаҩы ус баша дыузырччаӡом, дызхыччаз дархәыцратә еиԥш иҟаҵатәуп", - ҳәа иҳәеит Кәарҷиа.
Шәахәаԥш арадиостудиаҟынтәи инарҭбаау авидеонҵамҭа.