АҞӘА, ажьырныҳәа 22 - Sputnik. Аслан Бжьаниа Апрокуратура хада адҵа риҭеит Ацәыргақәҵатә зал амцакра зыхҟьаз ҭырҵаарц, абри атәы аанацҳауеит Атәыла ахада ипресс-маҵзура.
"Иҟашәҵо алкаақәа рыгәра ҳгароуп. Иҟалаз ахҭыс ҳшазыҟоу еилкаауп",- иҳәеит Аслан Бжьаниа Аиҳабыра алахәылацәеи азинхьчаратә усбарҭақәа рхадацәеи алархәны имҩаԥигаз аизараҟны.
Аԥсны АҶ рминистр ихаҭыԥуаҩ Тигран Делибалтиан Атәыла ахада иеиҳәеит амца арцәаразы ирылшоз зегьы шыҟарҵазгьы аҩбатәи аихагылеи ахыби блит ҳәа.
АҶ рминистрреи азинхьчаратә усбарҭақәеи еивагыланы абылра ахьыҟалаз аҭыԥ ҭырҵаауеит, аматериалқәа еизыргоит, амцакра зыла иабаз ауаа ирыҿцәажәоит.
Атәыла ахада анапынҵақәа риҭеит:
Аԥсны акультура аминистр ин.н Динара Смыр лнапы ианҵоуп "30 шықәса иалагӡаны Аԥсны аиҳабыра амилаҭтә культура аиқәырхаразы иҟарҵаз" ауаажәлар ирзеиҭалҳәарц.
акультура аминистрра еиқәхаз аусумҭақәа аҭагылазаашьа ҭызҵааша ареставраторцәа рыԥшаарц, иара убас Урыстәылеи егьы рт аҳәынҭқаррақәеи рфондқәа рҟны аԥсуа сахьаҭыхыҩцәа русумҭақәа ыҟоу иҟами еилыркаарц.
Аԥсны АҶА ҷыдала анапы ианҵоуп акультура аминистрреи аҵараусбарҭақәеи рнапаҵаҟа иҟоу ахыбрақәа абылрацәыхьчаратә ԥҟарақәа ишрықәныҟәо ахылаԥшра арҭарц.