АҞӘА, ажьырныҳәа 22 - Sputnik. Мраҭашәаратәи ар ргәыԥ аибашьцәа ахы иақәиҭыртәи Харьковтәи аобласт, аиланхарҭа Крахмальное ҳәа аанацҳауеит Атәылахьчара аминистрра.
Краснолимантәи ахырхарҭаҿы урыстәылатәи аруаа иҭадырхеит 80-еибашьҩы, х-автомашьынак, агаубица Д-20, Донецктәи ахырхарҭаҿы иҭархоуп 310 солдаҭ, атанк, ҩ-кәылӡмашьынак, 7 автомашьынак, агаубица Д-20, ареактивтә система "Град".
Алада-Донецктәи ахырхарҭаҿы Киев 70 еибашьҩы ацәыӡит, ҩ-автомашьынаки артиллериатә шьақәгыла "Гвоздикеи". Запорожиатәи ахырхарҭаҿы иҭархоуп 30 еибашьҩы, ҩ-автомашьынак, агаубица Д-20, Херсонтәи ахырхарҭаҿы - 20 солдаҭи ԥшь-автомашьынаки ҭархоуп.
Аракетатә ари артиллериеи ааха рырҭеит амеханизациа зызуу 31-тәи абригада, аамҭала аҳәаанырцәеибашьцәа ргыларҭа Константиновка араион аҿы иара убасгьы 127тәи артиллериатә ҟәша, 1129 раион рҿы ааха рыҭоуп аибашьцәеи атехникеи.
Аҳауаҽацәыхьчаратә хархәагақәа икарыжьит атактикатә ракета "Точка-У", асистема HIMARS ҩ-реактивтә хгәыцә, 43 украинатә дрон.