АҞӘА, ажьырныҳәа 24 - Sputnik. Машьынала Ахьӡ-аԥша апарк иқәлаз Назар Карданов иԥшаара рылаҳәоуп, абри атәы аанацҳауеит Апрокуратура хада апресс-маҵзура.
2024 шықәса ажьырныҳәа 16, асааҭ 02:15 рзы амилициа алеитенант еиҳабы Карданов арыжәтә ыжәны амашьына Toyota Crown Majesta ала Лакоба имҩаҟынтә Ахьӡ-аԥша апарк аҿы иҟоу амемориал аҵакыра дықәсны Аидгылара амҩахь дкылсит.
Карданов абаҟа ааха аҭара гәҭакны иман ҳәа азгәаҭоуп.
Уажәтәи аамҭазы иахәҭаны иҟоу аоператив-ԥшааратә уснагӡатәқәа мҩаԥысуеит иара дахьыҟоу аҭыԥ ашьақәыргыларазы.