АҞӘА, ажьырныҳәа 24 - Sputnik. Аԥсны алашара Урыстәылантәи иаиуеит хәыда-ԥсада асоциалтә проект ала ҳәа Sputnik иазеиҭеиҳәеит атәыла ахада иусбарҭа аиҳабы Абесалом Кәарҷиа.
Иара иажәақәа рыла, ари аӡбамҭа рыдкылан Џьуартәи аӡеизакырҭаҿы аӡы аҩаӡара акырӡа иахьылаҟәыз азы.
Кәарҷиа иҳәеит, иаарласны атәыла ахада Аслан Бжьаниеи аенергетикеи атранспорти рминистр Џьансыхә Нанбеи усутә ныҟәарыла Урыстәылаҟа амҩа ишықәло, ҳтәылаҟны иааиԥмырҟьаӡакәан алашара аиура азҵаара аӡбараз.