АҞӘА, ажьырныҳәа 26 - Sputnik. 13 миллионҩык инареиҳаны 2023 шықәсазы аушьҭырҭатә ҭыԥ "Адлер" иахысит, ашәҟәы иҭагалан 2,7 миллион инареиҳаны атранспорттә хархәагақәа ҳәа аанацҳауеит Краснодартәи аҳазалхырҭа апресс-маҵзура.
Ииасыз ашықәс аихшьаалақәа рыла, аушьҭырҭа-гәаҭаратә ҭыԥ "Адлер" Аладатәи аҳазалхырҭатә усбарҭа аҳазалхырҭатә ҭыԥқәа рыбжьара иреиӷьу коллективуп ҳәа иалкаауп.
Ииасыз ашықәс азы Шәачатәи аҳаирбаӷәазаҿы жәларбжьаратәи авиареисқәа рхыԥхьаӡара 40% рыла еиҳахеит. Ашәҟәы иҭагалан 26 000 ҳаирплан, 1,2 миллионҩык апассаџьырцәа.
Краснодартәи аҳазалхырҭа Урыстәыла аладатәи ахәҭаҿы иреиҳау ҳазалхырҭаны иԥхьаӡоуп, уи Краснодартәи атәылаҿацәи Адыгатәылеи ирыҿурԥшуазар, 95% инаӡо аҵакыраҿы аус ауеит. Шықәсык аҩнуҵҟа иараҟынтә афедералтә биуџьет иаланагалоит 17 миллиард мааҭ инареиҳаны.