АҞӘА, жәабран 2 - Sputnik. Аԥсны атәылауаҩ Асҭамыр Бганба даанкылоуп арҩашьыгатә маҭәашьарқәа алаирҵәоит ҳәа гәҩарас дҟаҵаны, абри атәы аанацҳауеит Аҩнуҵҟатәи аусқәа рминистрра апресс-маҵзура.
47 шықәса зхыҵуа Асҭамыр Бганба дааныркылеит Аҟәа араион ААИ агәаҭарҭатә ҭыԥ "Учхоз". Иара имырхит ҩ-ҭелк, уаҟа аметадон ахьышьҭеиҵоз аҭыԥқәа рсахьақәа ҭыхны ианын.
Азинхьчаратә усбарҭақәа русзуҩцәа иааныркылази ашаҳаҭцәеи алархәны Аҟәа, Аинрал Дбари Март 4-еи амҩадуқәа рыҟны ирԥшааит иҵәахыз аметадон згәылаԥсаз аилаҳәара хәыҷқәа.
Иара убас, Бганба дахьынхо Ҷанба имҩаду аҟны игылоу аҩны аимдараан иԥшаан "Макаров" итапанчеи ахеиқәыршәақәа жәбеи.
Асҭамыр Бганба даанкылоуп, ашьаус хацыркуп.