АҞӘА, жәабран 4– Sputnik. Аԥсны ахада Аслан Бжьаниа Урыстәыла Аҳәынҭқарратә Дума аиҳабы Виачеслав Володин иирамш идиныҳәалеит, абри атәы аанацҳауеит ахада ипресс-маҵзура.
Аслан Бжьаниа иазгәеиҭеит Аԥсни Урыстәылеи реизыҟазаашьақәа арӷәӷәараҿы Виачеслав Володин илагала аԥсуа жәлар пату шақәырҵо.
"Урыстәыла аинтересқәа рыхьчараҿы ишәылшәыршахьо ирыбзураны ҳаҭыр ду шәықәуп. Шәус шәазҟазоуп, ауаа шәырзааигәоуп. Ианаҭахха ишәыдышәкылаз имариам аӡбамҭа ҳтәылақәа рыбжьара аусеицура уасхырс иазыҟалеит", - азгәаҭоуп адныҳәалараҿы.
Аԥсны ахада Урыстәыла Аҳәынҭқарратә Дума аиҳабы агәабзиара, анасыԥ, аҭынчра изеиӷьеишьеит.