АҞӘА, жәабран 4– Sputnik. Аԥсны Жәлар Реизара ахантәаҩы Лаша Ашәба Урыстәыла Аҳәынҭқарратә Дума аиҳабы Виачеслав Володин 60 шықәса ихыҵра идиныҳәалеит. Абри атәы аанацҳауеит Жәлар Реизара апресс-маҵзура.
"Агәра ҳгоит, шәара шәыбзоурала Аԥсни Урыстәылеи реизыҟазаашьақәа еиҳагьы ишыӷәӷәахо, ҳусеицура алҵшәа шамазаауа", - аҳәоит адныҳәалараҿы.
Ашәба Володин агәабзиареи иҿаԥхьа иқәгылоу ахыкқәа рынагӡараҿы аманшәалареи изеиӷьеишьеит.