2024 шықәса ажьырныҳәамзазы 162 хараԥса ылырҩааит арыжәтә ыжәны аԥсҟы акразы. Ари 2023 шықәсазы аасҭа 34 рыла еиҵоуп.
Ижәны иныҟәо рзы аҟәаа актәи аҭыԥ ныркылоит. Сынтәа илҩаауп 57 хараԥса (мызк аԥхьа – 79).
Анаҩстәи "аҭыԥқәа" ныркылеит Гәдоуҭеи Гагреи. Очамчыра ҩымзуп абри аус аҿы Гагра иаԥнагарц иаҿуижьҭеи, аха иалшом.
Очамчыра иашьҭанеиуеит Аҟәа араион –13 хараԥса, Гәылрыԥшьтәии Тҟәарчалтәии араионқәа хԥа-хԥа "насыԥшәҟәы" роуит. Зегь раасҭа рхы ртәны ажьырныҳәамза иҭысит галаа. Ара илҩаан 2 хараԥса заҵәык.
Қәралатәи акатегориа ԥсахрада иаанхеит уҳәар ауеит. Ииасыз амзазы аԥыжәара рыман 30-35 шықәса зхыҵуаз, ажьырныҳәамзазгьы урҭ ракәхеит аԥыжәара аанызкылаз –44-ҩык ахараԥса дыршәан.
Ажьырныҳәамзазы зегь раасҭа еиҵбыз азинеилагаҩ 21 шықәса ихыҵоит, даҟәатәуп. Зегь ириеҳабу дыгәдоуҭатәиуп 58 шықәса ихыҵуеит.
Иаанкылоу рҟынтәи 157-ҩык хацәоуп, хәҩык – ҳәсақәоуп. Урҭ рҟынтәи хҩык урыстәылантәи Аԥсны иаҭааз роуп, ҩыџьа – аҟәатәқәоуп.
Арыжәтә абзиабаҩцәа ԥшьҩык, хыхь зыӡбахә ҳәоу аҭыԥҳацәеи Нигериа атәылауаҩи ахараԥса дыршәан.
Ашықәс ҿыц раԥхьатәи амш азы аинспекторцәа быжьҩык ауаа ргәалаҟазаара бжьырхыр акәхеит, ажьырныҳәа 13-14 рзы – жәеизаҩык.