АҞӘА, жәабран 8 – Sputnik. Аԥсны Атәылахьчара аминистрреи Аштаб хадеи рафицарцәа ахысратә зыҟаҵарақәа мҩаԥыргеит ар рхысырҭатә ҭыԥқәа руак аҿы ҳәа аанацҳауеит аусбарҭа апресс-маҵзура.
Аррамаҵзурауаа иаадырԥшит апрофессионализм ҳарак, азыҟаҵара бзиа ҳәа азгәанаҭоит апресс-маҵзура адырраҭара.
"Асеиԥш апрактикатә уснагӡатәқәа аамҭа-аамҭала имҩаԥаагоит, хықәкыс ирымоуп аррамаҵзурауаа реибашьратә зыхиара аҩаӡара ашьҭыхра", - ҳәа азгәеиҭеит аибашьратәии аморал-ԥсихологиатәи рнапхгараҭаратә ҟәша азыҟаҵарақәа рнапхгаҩы, аполковник Беслан Мышәба.
Афицарцәа рзы ахысраз азыҟаҵарақәа мҩаԥган 2024 шықәсазтәи иарбаз рус инаҵаркны.