АҞӘА, жәабран 9 – Sputnik. Аԥсни Урыстәылеи рзинмчратә усбарҭақәа русбарҭабжьаратә тактикатә ҽазыҟаҵарақәа Риҵатәи амилаҭтә парк аҿы имҩаԥгахоит, абри атәы Sputnik иазеиҭеиҳәеит Аԥсны АҩА рминистр иабжьгаҩ хада Инал Маршьан.
Атеррористтә ҿагылареи аиқәырхареи ҽазыҟаҵарақәа ирылахәхоит Аԥсны АҩАР, АҶА, АШәМ, АХьМ, Урыстәыла АШәМ, Росгвардиа. Аҽазыҟаҵарақәа дырҭаауеит Аахыҵ Уаԥстәыла АҩА рминистр Алан Гучмазов ҳәа Sputnik иазеиҭеиҳәеит Аԥсны АҩА рминистр иабжьгаҩ хада Инал Маршьан.
"Ари аусбарҭабжьаратә еинырразы, Аԥсни Урыстәылеи рмаҵзурақәа еишьашәаларыла рхымҩаԥгаразы хра амоуп", - иҳәеит Маршьан.
Аҽазыҟаҵарақәа мҩаԥысуеит атәыла ахада Аслан Бжьаниа инапынҵала, Адунеизегьтәи аҿар рфестиваль "Сириус" аҿы хәажәкыра 1 - 7 рзы амҩаԥысра инадҳәаланы.